Un total de 280 menores busquen una familia d'acoyida n'Asturies  

Les families interesaes puen informase na Fundación Meniños y na Conseyería de Bienestar

'Buscamos toa triba de families acoyedores'. Ye l’eslogan de la campaña llanzada pola conseyería de Derechos Sociales y Bienestar pa fomentar l’acoyida de neños y neñes tutelaos pol Principáu. D’esti mou quier concienciase a la población y minimizar l’estrozu que provoca nestos menores la so situación de desprotección.

El Principáu tutoriza a 288 menores que podrán ser acoyíos de manera temporal, permanente o solamente fines de selmana y vacaciones dependiendo de les circunstancies de los neños y neñes. Por esi motivu convídase a informase na conseyería o na Fundación Meniños pa conocer al detalle’l programa y optar a ser familia d’acoyida.

Ángel López y Emma Alonso-Vega formen una de les families qu’acoyerá. Enantes de que remate’l mes recibirán a un ñácaru que pasará a ser unu más de la casa. Son unos veteranos nestos procesos porque ye la cuarta vegada que reciben a un menor n’acoyida.